Eine Lesung in den Idiomen sursilvan und vallader begleitet von Chormusik vom damenchor CHURSÜD

Gianna Olinda Cadonau ha frequentà l’Institut Otalpin Ftan ed ha studegià relaziuns internaziunalas a Genevra e management da cultura a Winterthur. Ella è responsabla per la promoziun da cultura tar la Lia Rumantscha e commembra da la cumissiun da cultura dal chantun Grischun e da la citad Cuira. Enfin uss èn cumparids dus toms da poesias bilings tar editionmevinapuorger (2016 e 2020). L’autura briglescha dapi bundant in onn cun ses roman tudestg «Feuerlilie», camparì tar la chasa editura Lenos (2023).

Arnold Spescha ha studegià romanistica a las universitads da Turitg, Aix-en- Provence e Perugia. A partir dal 1969 enfin il 2004 è el stà scolast gimnasial per franzos, rumantsch e talian a la Scola chantunala a Cuira. El è stà durant 12 onns dirigent da la Musica da la citad da Cuira. Arnold Spescha è l’autur da la «Grammatica sursilvana» (1989) e dal «Vocabulari fundamental sursilvan» (1994). Ils ultims onns ha el publitgà trais toms da poesias en versiun bilingua  sursilvan/tudestg. Bleras da sias poesias èn vegnidas messas en musica. Arnold Spescha vegn accumpagnà da ses ami e cotranslatur Hans Fäh che legia las poesias per tudestg.